Sabzi mevasi yorilib ketmasligi uchun nima qilish kerak?

Ekish muddatlari.

Erta mahsulot olish uchun bahorda dalaga yer yetilganda birinchi imkoniyat boʻlishi bilan urugʻi sepiladi. Qishga saqlash maqsadida yetishtirish uchun iyunning birinchi yarmida ekiladi. Urugʻ tuproqqa 1-3 sm chuqurlikda ekiladi. Qator oraligʻi 25-30 sm boʻladi. 10 m2 ga urugʻ sarfi 1,5-5 gramm (1 gektarga 1,5-3 kg maxsus seyalkalarda ekilganida). 2-3 chinbarg holatida 1,5-4 sm chuqurligida chopiq qilinadi. 1m2 yerga hosil maqsadi hisobga olinib 50 dan 200 gacha oʻsimlik boʻlishi kerak.

Urugʻ ekilganidan keyin qatqaloq hosil boʻlishidan ehtiyot boʻlish kerak, aks holda nihollar nobud boʻlishi mumkin. Sabzi ekilgan egatchalarga yupqa qilib goʻng sepib qoʻyilishi qatqaloq paydo boʻlishini oldini oladi.

Oʻtmishdoshlar.

Eng yaxshi oʻtmishdoshlari bu ertaki kartoshka, dukkakliklar, bodring, ertaki karam.

Maʼdanli ozuqalantirish.

1 m2 dan 6 kg (1 gektardan 60 tonna) sabzi hosilini olish uchun 300 gr ammiak selitra, 500 gr superfosfat va 600 gr kaliy tuzini10 m2ga sepish darkor (N 100, P2O5 100, K2O 200 kg taʼsir moddasini 1 gektarga). Fosforli va kaliyli oʻgʻitlarni kuzgi haydov vaqtida qoʻshish tavsiya qilinadi, azotli, fosforli va kaliyli oʻgʻitlarni esa ozuqa sifatida beriladi. Sabzi magniyga sezgir, 80-100 gramini 10 m2ga solinadi (Mg2O 80-100 kg taʼsir moddasi 1 gektarga). Sabzi tagiga yangi goʻng solmagan maqul, sababi, mevalari hunuklashib uzoq saqlanmaydigan boʻlib qoladi.

Sugʻorish.

Ildizmevalarni yorilib ketishini oldini olish maqsadida sugʻorish muntazam boʻlishi kerak. Mavsum ichida 5-7 sugʻorish amalga oshirilishi kerak, yaʼni 10 m2 ga 300-350 litr (300-350 m3/gektariga).

Kasalliklar va zararkunandalar.

Sabzining asosiy zararkunandasi – sabzi (pashshasi) chivini.

Kurash choralari: almashlab ekishga qatʼiy rioya qilish, erta ekish, tuproq harorati pashsha uchgan vaqtda +15, +17oC boʻlganda Bi-58, Deltasis, Dalate, Entospilan va boshqa insektitsidlar bilan ishlov berish.

Asosiy kasalliklari – fomozvaalternarioz.

Kurash choralari: Urugʻlarni dorilash, oʻsimliklarni fungitsidlar Akrobat MS, Entoxlorok plyus, Entoxlorok ekstra va boshqalar bilan ishlov berish.

Yetishtirishning muhim usuli – oʻsimliklarni chopiq qilish. Alohida begona oʻtlarga qarshi keng yaproqli oʻtlarga qarshi Oksigol, nayza bargli begona oʻtlarga Zeldek Ekstra hamda Entogart gerbitsidlarini meʼyorlarida ishlatish tavsiya etiladi.Shunda begona oʻtlar yoʻqoladi va ildizmevani uchi koʻkarib ketishdan saqlanadi.

Saqlashga moʻljallangan sabzi muzlashidan avval yigʻib olinishi va mexanik zarar yetmay yigʻishtirilishi kerak. Bu muvaffaqiyatli saqlashning garovi va shartidir.

 

Manba: ifoda.uz

 987 marta ko‘rilgan,  3 marta bugun ko‘rildi

Fikr bildirish

Email manzilingiz chop etilmaydi. Majburiy bandlar * bilan belgilangan

Ushbu sayt spamga qarshi kurashda Akismet’dan foydalanadi. Qoldirgan izohlaringiz qanday qayta ishlanishi bilmoqchi boʻlsangiz, shu havola orqali sahifaga oʻting.