Oshkoʻklar haqida qisqacha maʼlumot

Oshkoʻklar – taomlarga (koʻk holicha) qoʻshiladigan koʻkatlardir. Oshkoʻklarga jambil, kashnich, petrushka, rayhon, koʻk (barra) piyoz, shivit, sarimsoq koʻki, selderey hamda bahor oylarida yovvoyi oʻsadigan yalpiz va boshqalar kiradi. Ular lazzatli taom tayyorlashda zirovarlar kabi muxim ahamiyatga ega. Oshkoʻklar tarkibida ifori (efirli) moylar, turli vitaminlar mavjud.

Oshkoʻklar qoʻshilgan taomlar xushxoʻr boʻladi, yaxshi xazm boʻladi. Aksariyat oshkoʻklar toʻgʻralgan holda suyuq oshlarga qoʻshiladi, shuningdek, ularning shoxchalari salatlarni bezashda ishlatiladi. Oshkoʻklardan rayhon, jambil shoʻrvalarga shoxchasi bilan xam solinadi. Baʼzi oshkoʻklar (masalan: ukrop, petrushka) bodring va pomidor tuzlashda, sirkalab konserva qilishda ishlatiladi. Soya joyda quritib elaki qilingan oshkoʻk tolqonidan qish faslida ham foydalanish mumkin.

Oʻzbek pazandaligida otquloq, ismaloq, yalpiz, jagʻ-jagʻ, momaqaymoq beda, anzur piyozi, semizoʻt kabilarning yangi unib chiqqan barglaridan yogʻ qoʻshib somsa, chuchvara kabi taomlar tayyorlanadi.

 

 

Manba: “Oʻzbekiston Milliy ensiklopediyasi”.

 231 marta ko‘rilgan,  2 marta bugun ko‘rildi

Fikr bildirish

Email manzilingiz chop etilmaydi. Majburiy bandlar * bilan belgilangan

Ushbu sayt spamga qarshi kurashda Akismet’dan foydalanadi. Qoldirgan izohlaringiz qanday qayta ishlanishi bilmoqchi boʻlsangiz, shu havola orqali sahifaga oʻting.